Quen somos >> Principios de actuación

Sostenibilidade

Traballamos para erradicar as causas estruturais da pobreza mediante un programa de actuación cunha proxección a longo prazo. O noso obxectivo é que as melloras producidas sexan significativas e duradeiras.

Transparencia

Traballamos para garantir a máxima visibilidade na xestión da entidade e nas nosas intervencións en Benarés. Dende o instante en que se efectúa un ingreso, adquirimos o compromiso de rendición de contas ao doador.

Comunicámonos con regularidade cos nosos socios e colaboradores, anualmente publicamos e auditamos as nosas contas con Iberaudit Auditores Galicia SL e estamos abertos a calquera pregunta ou a visitas aos nosos proxectos en Benarés.

Integralidade

En Benarés traballamos integralmente para mellorar o benestar da infancia desfavorecida, intervindo simultaneamente nos ámbitos da educación, nutrición e saúde, no seo das súas familias.

Participación

En Benarés, traballamos a través de persoal e contrapartes locais que coñecen as necesidades da comunidade e escoitan os seus membros, canalizando recursos para avalar proxectos nacidos na propia comunidade.

Xestión profesional

Perseguimos a excelencia na xestión duns recursos limitados. Así mesmo, favorecemos procesos de mellora continua: integramos a aprendizaxe nas nosas actividades e consultamos con outras organizacións para compartir experiencias e optimizar recursos.