Colabora >> Traballa con nós

FAITE VOLUNTARIO

Se tes interese en colaborar co noso labor, podes implicarte como voluntario. Envía o teu CV xunto a unha carta de presentación a rrhh@semillaparaelcambio.org.

En España necesitamos xente coma ti, comprometida co desenvolvemento dos colectivos máis desfavorecidos na India. Os voluntarios participan principalmente en tarefas de captación de fondos e sensibilización, pero tamén apreciamos contribucións noutras funcións de xestión (informática, publicidade, administrativo, etc). Ponte en contacto con nós para saber como podes colaborar.

Na India, a nosa filosofía é traballar con contrapartes e persoal local, que coñecen mellor os costumes das comunidades coas que colaboramos. Como queremos xerar emprego entre as comunidades de Benarés, aceptamos voluntarios só nos casos nos que se require un perfil técnico con habilidades específicas que non se encontran localmente.

En adherencia ao principio de xestión profesional, nos nosos procesos de selección, ademais de ter en conta a motivación e o compromiso dos candidatos, valoramos moi especialmente a experiencia e coñecementos técnicos para o posto que se vai desempeñar.

OFERTAS DE EMPREGO

Actualmente o traballo de Semilla para el Cambio desenvólvese integramente a través da colaboración desinteresada e solidaria de numerosos voluntarios. Nun futuro próximo algúns postos clave serán remunerados, para asegurar dedicación exclusiva e retención de talento.

Neste espazo colgaremos ocasionalmente anuncios de busca de persoal. Se cres que estás cualificado e che interesa traballar para Semilla para el Cambio, pero non existen ofertas na actualidade, podes enviarnos o teu curriculum a rrhh@semillaparaelcambio.org, achegando unha carta de motivación.

> Ofertas actuais