A principal fórmula de colaboración dos nosos socios é o apadriñamento, mediante o cal se establece un vínculo solidario cun neno ou cunha nena e a súa comunidade, que permanece no tempo.

A través dunha contribución mensual de 18 €, comprométeste coa mellora das condicións de vida de familias de nenos desfavorecidos en Benarés, facilitando á familia o acceso á educación e sanidade.

O teu ingreso destínase ao programa educativo integral e serve para custear a escolarización do neno, as clases de apoio, as actividades extraescolares e, parcialmente, o suplemento nutricional.

En canto te rexistres con Semilla para el Cambio, recibirás un informe co perfil do neno ou nena que apadriñes, así como informes trimestrais sobre a súa evolución. Poderás manter correspondencia con el/ela e mesmo realizar unha visita ao/á neno/a apadriñado/a, se así o desexas.